Arrestohet Kreshniku, bashkë me vëllanë e arratisur akuzohen për pirateri filmash

Arrestohet Kreshniku, bashkë me vëllanë e arratisur akuzohen për pirateri filmash

08:53, 13/09/2017
A+ Aa A-

Vëllezërit, Kreshnik dhe Kastriot S. fajësohen se së bashku me persona të tjerë se kanë krijuar faqen Kinox.to, përmes së cilës kanë shpërndarë në serverë të tjerë  përmbajtje të kopjuara ilegalisht si filma etj.

Pas tri vitesh të kaluara në arrati, është arrestuar në Kosovë Kreshnik S., i dyshuar si njëri ndër menaxherët e portalit për distribuim ilegal të filmave, Kinox.to. Në arrati ndodhet vëllai i Kreshnikut, Kastrioti, shkruajnë sot mediat gjermane dhe austriake, të cilat i japin hapësirë të madhe këtij lajmi.

Kreshniku 24 vjeçar është arrestuar që në muajin qershor, në Prishtinë, ka bërë të ditur një zëdhënës i Prokurorisë së Përgjithshme të Dresdenit, Gjermani. Ai me këtë njoftim e ka konfirmuar lajmin e publikuar fillimisht në gazetën “Handelsblatt”.

Ndërkohë, kryeprokurori Oliver Moller ka njoftuar se në bashkëpunim me autoritetet kosovare tashmë janë duke u bërë përgatitjet për ekstradimin e personit të përmendur, transmeton albinfo.ch. “Hetimet do të vazhdojnë në Gjermani pasi që ai të jetë ekstraduar këtu”, ka shtuar ai.

I arrestuari së bashku me vëllain e tij katër vite më të madh, ishte në arrati që nga tetori i vitit 2014. Atëkohë, njësitet speciale të policisë kishin bastisur shtëpinë e prindërve të dy vëllezërve S., në Lübeck, ku jetonin edhe ata, por nuk kishin mundur t`i gjenin.

Kreshniku dhe Kastrioti fajësohen se së bashku me persona të tjerë e kanë udhëhequr faqen Kinox.to, përmes së cilës kanë shpërndarë në serverë të tjerë  përmbajtje të kopjuara ilegalisht si filma etj. Prokuroria i ngarkon ata, përveç për shkelje industriale të të drejtës së autorit edhe për fshehje të pagesës së tatimeve.

© SYRI.net

Lexo edhe:

Komentet

Shto koment

Denonco