Gjykata e shkallës së parë në Elbasan, ka vendosur arrest me burg për ish-deputetin e Partisë Socialiste, Hamit Kostën. Ky i fundit u denoncua nga ish bashkëjetuesja e tij E.T, pasi ish-deputeti e kishte kërcënuar me armë.
Ngjarja
Arrestimi i tij, u bë pasi në Lagjen “5 Maji” me automjetin e tij tip “Hamer” me targa PE2505A dyshohet të ketë kanosur me fjalë dhe me armë zjarri ish- bashkëjetuesen, shtetasen E.T., 38 vjeçe banuese në Elbasan.
Gjatë kontrollit të mjetit të 62-vjeçarit, grupi hetimor ka gjetur dhe sekuestruar në cilësinë e provës materiale, një armë zjarri pistoletë me gjashtë fishekë model 9mm të vendosur në krëhërin e saj.
Arma e zjarrit së bashku me automjetin janë sekuestruar në cilësinë e provës materiale.
© SYRI.net