Në fillim të muajit maj u ndalua në aeroportin e Rinasit një pajisje e dyshimtë në posedimin e shtetasit grek Iraklis Dragounis.

Prokuroria ka mbyllur hetimet referuar këtij rasti. Në përfundim të këtyre hetimeve dhe pas ekspertizës rezultoi se pajisja e dyshuar si pajisje përgjimi, nuk e kishte aftësinë që të kryente këtë funksion.

Prokuroria urdhëroi pushimin e hetimeve dhe i ktheu pasaportën shtetasit grek.

Ky ishte rasti i dytë që një shtetas i huaj kapet në Rinas me një pajisje të dyshimtë, pas izraelitit, Yoram Frig.