Katër persona janë arrestuar sot nga efektivë të policisë së Tiranës, gjatë operacionit të koduar “Përsëritësi” dhe një sasi droge e mbi 16 milionë lekë janë sekuestruar.
Gjithashtu 2 persona janë nën hetim në gjendje të lirë ndërsa 2 të tjerë janë shpallur në kërkim.
Aksioni
Ditën e sotme, specialistët e Seksionit për Narkotiket dhe Seksioni për Operacionet Speciale, në Drejtorinë Vendore të Policisë Tiranë, në bashkëpunim me Prokurorinë e Rrethit Gjyqësor Tiranë, kanë finalizuar operacionin "Përsëritësi", ku pas një pune disa mujore është arritur të dokumentohet me prova ligjore veprimtaria kriminale, në fushën e narkotike, duke bërë të mundur arrestimin në flagrancë të:
Erjon Shehu, 23 vjeç, banues në Tiranë;
Xhevair Ahmetaj, 41 vjeç, banues ne Tiranë, i dënuar më parë;
Mariglen Ahmetaj, 19 vjeç, banues në Tiranë;
Kozma Pire, 23 vjeç, banues në Tiranë ;
- Si dhe janë proceduar në gjendje të lirë:
R. S., 29 vjeç, banues në Tiranë.
R. K., 20 vjeç, banues në Tiranë.
- Gjithashtu është bërë shpallja në kërkim e R. B. dhe L. T., banues në Tiranë.
Këta persona në bashkëpunim me njëri tjetrin, kryenin aktivitetin e kundraligjshëm të shpërndarjes së lëndëve narkotike të llojeve "Kokainë, Heroinë dhe kanabis", në zona të ndryshme të Tiranës, njofton policia.
Në kohë dhe vende të ndryshme, këtyre shtetasve u janë gjetur dhe sekuestruar në cilësinë e provës materiale:
- 39.2 gram lëndë e dyshuar narkotike e llojit Kokainë.
- 3.8 gram lëndë e dyshuar narkotike e llojit Heroinë.
- 2.8 gram lëndë e dyshuar narkotike e llojit kanabis.
- 3 automjete të markave të ndryshme.
- Shumat monetare prej, 1.620.500 lekë të reja, 100 dollarë dhe 50 euro.
- 10 telefona celulare të markave të ndryshme.
- Një peshore elektronike
Materialet e proceduriale i kaluan Prokurorisë Pranë Gjykatës së Shkallës Parë Tiranë, për veprën penale "Prodhimi dhe shitja e narkotikëve".
© SYRI.net