Një tjetër rast droge është goditur nga policia greke ditën e sotme në Kostur dhe Selanik. Sipas mediave greke, janë arrestuar 5 persona, dy shqiptarë 43 dhe 53 vjeç dhe tre grekë 30, 31 dhe 33 vjeç.

Droga transportohej me dy makina të ndryshme, të cilat u ndaluan nga agjentët e antidrogës greke gjatë operacionit që u zhvillua njëkohësisht.

Në total, në të dy makinat u gjetën 87 kg kanabis sativa. Policia sekuestroi gjithashtu edhe 265 Euro dhe 4 celularë. Gjatë kontrolleve në shtëpitë e të arrestuarve, u gjetën edhe 4385 Euro, 7 celularë, 3 automjete dhe doza kanabisi.