Një automjet është përfshirë nga flakët në lëvizje pasditen e sotme në autostradën Tiranë – Durrës.

Makina, një “Alfa Romeo” me targë TR 3661 L, ka marrë gjetur në flakë në afërsi të Kasharit.

Burime paraprake nga policia thonë se drejtuesi i mjetit është larguar nga vendngjarja.

Mbetet e paqartë se kujt i përket ky automjet, ashtu sikurse edhe arsyeja e përfshirjes nga flakët. Raportet se mjeti kishte të instaluar një impiant gazi.

Aktualisht në vendngjarje ndodhet grupi hetimor dhe po punon për identifikimin e pronarit të mjetit, si dhe zbardhjen e rrethanave të kësaj ngjarjeje.