Kishte ndodhur që me armë dhe maska të grabiten pikat e karburantit, por kjo që ka ndodhur mbrëmjen e djeshme në Vlorë i ka kaluar parashikimet.
Burime nga policia thanë se mbrëmjen e djeshme rreth orës 23:15 minuta ka ndodhur një grabitje në zonën e Jonufrës në Vlorë, shkruan SYRI.net.
Sipas policisë, në kohën kur roja i karburantit kishte shkuar në tualet, dy persona i kanë hyrë në zyrë dhe kanë marrë shumën prej 40 mijë lekësh. Menjëherë ata janë larguar me vrap.
Pas ngjarjes, policia është njoftuar dhe ka shkuar në vendin e ngjarjes, ndërsa ka nisur hetimet dhe po punon për identifikimin dhe kapjen e grabitësve.
/SYRI.net
© SYRI.net