Policia e Tiranës ka dhënë të tjera detaje në lidhje me lokalin që shpërtheu në Vaqarr. Sipas informacioneve të reja, në brendësi të lokalit ndodhej një pikë karburanti, e cila mori flakë si pasojë e shkëndijë elektrike. Nga shpërthimi u plagosën 5 persona dhe jo 2 siç u raportua fillimisht.
Të plagosurit janë E. L. 24 vjeç, N. H. 23 vjeç, A. L. 53 vjeç, L. D. 48 vjeç dhe M.M. 38 vjeç, dy prej të cilëve ndodhen në gjendje më të rëndë shëndetësore.
Nga hetimet paraprake rezulton se pika e furnizimit të pikës së karburantit me lendën djegëse benzinë, ndodhet në brendësi të lokalit, ku gjatë furnizimit të kësaj pike karburanti dyshohet se ka ndodhur një reaksion kimik duke kthyer lendën djegëse të benzinës nga të lëngët në të gaztë.
© SYRI.net