Një rrjet pornografik në Greqi është goditur nga policia greke, konkretisht në qytetin e Selanikut. Në pranga ranë një shqiptar 19-vjeçar dhe një 45-vjeçar grek.

Sipas hetimeve të autoriteteve greke, shqiptari kishte krijuar në Facebook një profil me të dhëna false. Përmes këtij rrjeti social, ai kishte biseduar dhe ishte afruar me një 17-vjeçar grek, të cilin e kishte bindur që t’i dërgonte disa fotografi të pahijshme.

Ata kishin lënë një takim për të biseduar më afër dhe më pas do të shkonin në një hotel ku aty priste 45-vjeçari grek. Në këtë moment ndërhyri policia duke arrestuar shqiptarin dhe shtetasin grek. Në celularet e tyre u gjetën foto të shumta me pornografi të fëmijëve.