Identifikohet autori që tentoi të vjedhë makinën e një punonjësi të policisë ditën e djeshme në Vlorë.
Policia ka shpallur në kërkim dhe po punon për kapjen e shtetasit Sh.B., 18 vjeç, banues në Vlorë.
Ngjarja për të cilën akuzohet u shënua mëngjesin e së mërkurës në lagjen "11 korriku". I riu pasi ka vjedhur mjetin, është përplasur me një shtyllë elektrike rrugës.
Më pas ai është larguar, ndërsa në mjet dhe jashtë tij u gjetën pika gjaku që tregon se 18 vjeçari është plagosur në aksident.
Shtetasi Sh.B sipas njoftimit të policisë rezulton autor edhe i disa vjedhjeve të tjera në qytetin e Vlorës.
- Më datë 10.03.2018, në lagjen ''28 Nëntori'', ka vjedhur automjetin tip ''Benz'', në pronësi të shtetasit D.S..
- Më datë 19.03.2018, ka vjedhur automjetin tip ''Benz'', të shtetasit S.D.
Materialet hetimore i'u referuan Prokurorisë së Rrethit Gjyqësor Vlorë, për veprën penale ''Vjedhja''.
© SYRI.net