Një shqiptar është qëlluar me armë zjarri në një fermën në Borgo Cervaro, disa kilometra larg Foggi.
Ngjarja ka ndodhur të shtunën, ndërsa mediat italiane raportojnë se i plagosuri është 66 vjeccari Mustaf Hasi.
Gjendja shëndetësore e shqiptarit paraqitet e rëndë, pasi ai është qëlluar në kokë.
Pronari i fermës ku ndodhi ngjarja lajmëroi menjëherë policinë sapo dëgjoi të shtënat me armë dhe konstatoi shqiptarin e shtrirë përtokë.
Policia italiane është duke hetuar mbi këtë rast dhe po merr në pyetje banorët e zonës ku ndodhi plagosja.
Për momentin nuk ka ende asnjë pistë hetimi rreth shkaqeve të mundshme të kësaj ngjarje.
© SYRI.net