Një aksident i rëndë ka ndodhur në qytetin e Vlorës, ku një makinë ka shtypur një fëmijë 3-vjeç.
Fëmija dyshohet se i ka ikur të ëmës nga duart dhe më pas është shtypur nga automjeti. Fëmija është transportuar për në spital, me lëndime, por jashtë rrezikut për jetën. por ende nuk bëhet e ditur gjendja e tij.
Mësohet se drejtuesja i mjetit, femër me iniciale F.M. është larguar nga vendngjarja.
Aksidenti i rëndë ka ndodhur në Unazën e qytetit bregdetar. Mësohet se ky është aksidenti i tretë. Para këtyre kanë ndodhur dy aksidente me vdekje vetëm 100 metra me tutje.
Mësohet se rruga nuk ka asnjë shenjë rrugore, as tabela as pengesa për shpejtësinë e makinave.
Njoftimi paraprak i policisë
Më datë 22.02.2018, në vendin e quajtur ''Bishti Kalldrëmit'', shtetësia F. M., duke drejtuar mjetin tip ''Benz'', ka goditur një fëmijë të moshës 3 vjeç.
Fëmija ndodhet jashtë rrezikut për jetën por vijon të marrë ndihmën e nevojshme mjekësore në Spitalin Rajonal Vlorë.
Drejtuesja e mjetit është shoqëruar pranë ambienteve Policore. Grupi hetimor po vijon me procedurat e mëtejshme për rastin në fjalë.
© SYRI.net
Kanë marrë shembull nga dhiputeti Qifja, vrasin njerëz në rrugë dhe ikin nga vëndi i ngjarjes, policia dhe ligji nuk i ndëshkon, njëlloj si Qifja. Të gjithë duhet të marrim shëmbull nga "elita" e llumit të kombit, nga dhiputetët.