Dy të rinj janë vënë në pranga nga policia në Shijak, pasi ishin në kërkim për grabitje.

Burime zyrtare nga Policia e Durrësit kanë bërë të ditur se, janë vënë në pranga Florian Rushit dhe Serxho Llaftiu.

Këta të dy persona akuzohen se kanë vjedhur tre banesa në zonën e Shijakut.

Policia ka nisur hetimet edhe për të zbardhur disa ngjarje të tjera, ku dyshohet se dy të rinjtë mund të jenë të përfshirë.

Rastet e vjedhjeve për të cilat akuzohen

1. Më datë 20.02.2018, në lagjen “Popullore”Shijak dyshohet se kanë vjedhur magazinën e shtetasit R.K. ku kanë marrë 15 copë disqe automjetesh në vlerën 200 €/copa.

 2. Më datë 20.02.2018, në Shijak dyshohet se kanë vjedhur me thyerje banesën e shtetases D.D. ku kanë marrë tre televizorë të markave të ndryshme. 

3. Më datë 20.02.2018, në fshatin Shetel, Shijak dyshohet se kanë vjedhur me thyerje banesën e shtetasit J.T. ku kanë marrë dy televizorë të markave të ndryshme. 

4. Më datë 11.10.2017, në Tiranë dyshohet se kanë vjedhur një motor.

U sekuestruan

1. Një automjet tip Benz në pronësi të shtetases L.R., të cilën e përdornin për transportimin e sendeve të vjedhura. 

2. Një motor me ngjyrë të zezë me mbishkrimin SYM e vjedhur në Tiranë më datë 11.10.2017. 

3. Katër biçikleta. 

4. Dy televizorë të markave të ndryshme. 

5. Njësi kompjuteri, monitorë, tastier.

 6. Tetë disqe alumini.