Ministria e Brendshme: 3 zyrtarët nuk u arrestuan dot, por në shtëpitë e tyre gjetëm ...

Ministria e Brendshme: 3 zyrtarët nuk u arrestuan dot, por në shtëpitë e tyre gjetëm ...

14:28, 23/11/2017

Ministria e Brendshme ka sqaruar ditën e sotme se nuk ka mundur të arrestojë tre zyrtarët e shpallur në kërkim për dosjen Habilaj, por janë ushtruar kontrolle në banesat e tyre ku janë gjetur edhe prova me vlerë.

Në një deklaratë për mediat nga Ministria e Brendshme thuhet:

Urdhër-ndalimet dhe Vendimet e Gjykatës mbajnë datën 21 nëntor 2017.

Sapo është vënë në dijeni për vendimet, SHÇBA-ja ka organizuar punën dhe ndarë detyrat për zbatimin e tyre konform Kodit të Procedurës Penale.

Të gjitha veprimet proceduriale nga SHÇBA-ja, pas njohjes me aktet e Prokurorisë për Krimet e Rënda dhe Gjykatës, janë drejtuar nga Prokurorët e çështjes dhe drejtuesi i Prokurorisë për Krimet e Rënda, për ndjekjen e hapave proceduriale sipas rradhës së veprimeve në interes të hetimit.

Megjithë kontrollet e ushtruara në banesa dhe vendet ku dyshohej se mund të strehoheshin personat e mësipërm, nuk është bërë e mundur gjetja dhe ndalimi i tyre.

Nga kontrolli në banesa dhe ambiente janë sekuestruar prova materiale, të konstatuara si me vlerë për hetimet e mëtejshme dhe i janë dërguar zyrtarisht Prokurorisë për Krimet e Rënda, Tiranë.

Shërbimi për Çështjet e Brendshme dhe Ankesat (SHÇBA) ka shpallur në kërkim që prej datës 22.11.2017 shtetasit Jaeld Çela, Sokol Bode dhe Gjergj Kohila dhe po punohet për kapjen e ndalimin e tyre.

Në datë 23 Nëntor 2017 rreth orës 09:00, me kërkesë të drejtuesit të SHÇBA-së është zhvilluar analizë me prokurorët e çështjes dhe drejtuesin e Prokurorisë për Krimet e Rënda, për gjithë veprimet proceduriale të kryera dhe që do të kryhen në vijim, në funksion të këtij hetimi.

Ndërkohë, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur procedurat administrative për nxjerrjen e urdhrave të përjashtimit për këta ish-oficerë.

 

© SYRI.net

Lexo edhe:

Komentet

Lali23/11/2017 14:42

Shtet i degjeneruar dhe kriminal. Nuk ekziston ne asnje vend normal te botes qe punonjesit e policise se shtetit, qofte edhe ish, te zhduken e te fshihen. Ku jane keta burrat e ndershem qe "nuk kane te perlyer"? Ku jane cunat qe donte tahiri? Ketyre jo burgun por celsat tja u hedhin ne fund te oqeanit. Keta edhe sikur te ishin te paster vetem me kete "zhdukje" kane inkriminuar veten, ministrin e "ndershem" te rendit dhe te gjithe shtetin

Shto koment