DËSHMITË/ Nipi i Aldo Bares u largua nga lokali 30 minuta para masakrës 2 viktimat e atentatit të djeshëm në Lushnje

DËSHMITË/ Nipi i Aldo Bares u largua nga lokali 30 minuta para masakrës

17:12, 12/10/2017

Detaje të reja bëhen me dije nga atentati i dyfishtë i një dite më parë, ku në një kafe në rrugë, në vendin e quajtur “Kryqëzimi i Urës së Përroit”, në Lushnjë u ekzekutuan Jurgen Hoxha dhe Zamir Latifi, si dhe u plagos miku i tyre Marius Xhepexhiu, ndërsa i shpëtoi mrekullisht plumbave Saimir Xhelili.

E ndërsa ngjarja na ktheu pas në kohë, duke na kujtuar vitin e mbrapsht ‘97 kur ligjin në Lushnje e bënin bandat, burime pranë policisë së Lushnjes konfirmojnë për “BalkanWeb” se në tavolinën ku pinin kafe viktimat dhe i plagosuri dyshohet se ka qenë pak minuta para masakrës nipi i Aldo Bares, Xhulio Shkurti, i shoqëruar sot në polici për të Edhe pse ai deklaroi se ndodhej tek berberi në momentin e masakrës, ka dyshime të forta dhe dëshmitarë që thonë se Shkurti u largua nga tavolina vetëm 30 minuta para ngjarjes.

Policia thotë se ka identifikuar autorët, ata dyshohet të jenë Laert Haxhiu dhe Orges Bilbili. Hetuesit besojnë se masakra vjen si pasojë e hakmarrjes midis grupeve rivale. Por ka dyshime për atentat të organizuar. Autorët pasi vranë deshën të zhduknin gjurmët dhe dogjën makinën pranë fshatit Çukas në rrugën e vjetër Lushnjë-Berat

Ngjarja

Ngjarja e rëndë ndodhi dje në lagjen “Loni Dhamo”, në vendin e quajtur “Ura e Përroit” Lushnje. Persona ende të paidentifikuar qëlluan me armë zjarri automatik dhe si pasojë kanë ndërruar jetë 2 shtetas, ka mbetur i plagosur rëndë 1 tjetër, si dhe ka marrë dëmtim të lehtë edhe një shtetas tjetër i cili ndodhet në Spitalin e Lushnjes nën kujdesin e mjekëve pa probleme për jetën.

Viktimat janë shtetasit Zamir Latifi, 23 vjeç dhe Jurgen Hoxha, 22 vjeç, banues në lagjen “Loni Dhamo”, Lushnje. Shtetasi i plagosur rëndë është Marius Xhepexhiu, 26 vjeç, banues në lagjen “Loni Dhamo”, i cili po transportohet për në Tiranë. Si dhe ka marrë dëmtim të lehtë shtetasi B.T., 66 vjeç.

Gjithashtu në Sallën Operative Lushnje ka ardhur një telefonatë se në aksin rrugor Lushnje-Berat, në po digjet një mjet. Grupi hetimor ka shkuar menjëherë ku ka gjetur në automjet tre arme zjarri automatike, ndërkohë që automjeti dyshohet se mund të jetë i autorëve. Sakaq, është ngritur grupi hetimor i cili po punon për zbardhjen e plotë të ngjarjes.

KUSH ËSHTË XHULIO SHKURTI

Më 25 shtator të 2016-ës, Shkurtit i kanë bërë një atentat me armë zjarri, ku mbeti i plagosur bashkë me një tjetër të ri.

Ngjarja në fjalë ndodhi në lagjen “Çlirimi” në Lushnjë.

Shkurti mbeti i plagosur bashkë me shokun e tij, Sajmo Xhelili, teksa ishin ulur në një nga lokalet e qytetit bashkë me disa të tjerë. Por mes tyre ka patur një debat, gjë që ka nxehur situatën. Pas kësaj, njëri prej tyre ka shkuar në shtëpinë e tij dhe është kthyer me armë zjarri, duke qëlluar në drejtim të dy të rinjve duke i plagosur.

© SYRI.net

Lexo edhe:

Komentet

Shto koment