Mocioni me tri pikave i Lëvizjes Vetëvendosje, lidhur me vdekjen e aktivistit Astrit Dehari nuk ka marrë votat e kërkuara, pasi, ishin vetëm 58 deputetë që votuan, nga 61 që do të duhej.
Kjo për shkak se nuk kanë votuar deputetët e LDK-së.
Në pikën e parë të mocionit kërkohej realizimi i pa vonesë i hetimit të pavarur ndërkombëtarë, si dhe bashkëpunimi pa pengesa nga institucionet ligjzbatuese të institucioneve të Kosovës.
Pika e dytë, shkarkimi i menjëhershëm brenda PK-së përgjegjës për rastin në mënyrë që t’i hapet rrugë hetimit të plotë dhe pa pengesa.
Pika e tretë, shkarkimi i ministres në kabinetin qeveritar, Dhurata Hoxha si ministre nën udhëheqjen e së cilës dështoi përmbushja e detyrës zyrtare në lidhje me mbarëvajtjen e institucioneve korrektuese dhe pengimin e hetimeve të pavarura.
Mocioni do të hidhet në votim në seancën e radhës është shtyrë më 21 mars.
Në momentin që ministrja Dhurata Hoxha, ka dal për në foltoren, deputetët e Vetëvendosje kanë bërë zhurmë duke goditur tavolinat, duke e quajtur kriminele, ndërsa ajo i ka thënë se po tregojnë kulturën e tyre.
Drejtuesi i Kuvendit ka ndërprerë seancën por deputetët e VV dhe PDK, kanë filluar të shtyhen mes tyre.
Për të qetësuar situatën ka ndërhyrë kryeministri Haradinaj.
© SYRI.net