Ka përfunduar java e 24-t e Superligës kosovare. Ditën e sotme janë zhvilluar 4 ndeshje, ndërsa dy u zhvilluan dje.

Drita e Gjilanit ka fituar 0-1 në fushën e Vëllazënimit të Gjakovës dhe i merr kryesimin Prishtinës me një pikë më shumë.

Fitore të rëndësishme ka marrë edhe Liria e Blendi Shkëmbit, që tani e sheh vetën vetëm 3 pikë larg vendit të parë. Liria e Prizrenit ka fituar 1-2 në fushën e Flamurtarit të Prishtinës.

Vllaznia Pozheran-Ferronikeli ka përfunduar në barazimin 0-0, ndërsa Besa Pejë-Gjilani ka përfunduar 1-0.