Kompania mediatike Netflix pas realizimit të serialit Narcos mbi jetën e Pablo Escobarit ka marrë kërcënime nga vëllai i ish-kreut të kartelit të drogës.

Vëllai i Pablo Escobarit ka kërcënuar Netflix me një mesazh të frikshëm, ku kërkon 1 bilion dollarë  nga kompania, si dhe ju sugjeron të aktivizojnë rojet e sigurisë së lartë.

Kërcënimi vjen pak kohë pas vrasjes së Carlos Muñoz Portal, asistent i këtij  produksioni,  i cili ishte angazhuar për të gjetur zonat e realizimit të skenave në serial.

Asistenti u vra me armë brenda në makinën e tij në kufirin e Meksikës.

Ndërkohë në kërcënimin e tij, vëllai i Pablos, Roberto de Jesus Escobar Gaviria, ka sugjeruar që Netlix nuk duhet të rikthehet në atë zonë pa lejen e tij.

“Nuk dua që Netflix, madje asnjë tjetër produksion mediatik të rikthehet në Medelin ose në Columbi dhe të ketë të bëjë me mua apo me vëllanë tim, aq më pak pa autorizimin e Escobar Inc.”, - ka thënë ai për The Hollywood Reporter.

“Është shumë e rrezikshme, sidomos nëse nuk merrni bekimin tonë. Ky është vendi im”, - vijon ai.

71-vjeçari ka pohuar se produksioni nuk duhet të ulë sigurinë për personat, që kanë punuar për këtë projekt.

“Jemi në bisedime me Netflix përmes avokatit tonë Browne George Ross LLP për të marrë pagesën e kërkuar prej 1 bilion dollarësh”, - ka paralajmëruar 71-vjeçari, - shkruan Express.

“Nëse nuk i marrim, do të na duhet ta mbyllim programin e tyre ‘të vogël’...”-ka mbyllur deklaratën e tij vëllai i Escobarit.

Ndërkohë janë publikuar disa pamje të super vilës së kapos së drogës, e cila gjendet në Meksikë. Kjo super vilë është transformuar në një resort luksoz me pesë yje.