Në fund të shtatorit do t’i japë fund beqarisë edhe anëtari i NRG band, Besnik Qaka.

Këngëtari vetëm kohë më parë u fejua me Lolita Begollin, bukuroshen nga Peja me të cilën ka kohë që këngëtari ishte në romancë.

Tani ata kanë vendosur që t’i japin fund beqarisë më 30 shtator, në një ceremoni martesore e cila do të mbahet në hotel “Dukagjini” në Pejë.

Dasma e cila do të jetë një prej dasmave më luksoze të këtij viti në estradë pritet të dekorohet nga Grand Dekor.

Në dasmën e Besnik Qakës pritet të jenë të ftuara yjet e mëdha të show bizit shqiptar, kolegë të tij nga fillimi i karrierës e deri më sot, ashtu si fytyra tjera nga skena publike.