Pas një periudhe të gjatë pushimi, spektakli “Dancing With The Stars” është gati për t’u rikthyer në ekranin e televizionit “Vizion Plus”. Por këtë vit, garës së famshme të kërcimit i mungon një personazh që e ka shoqëruar thuajse në çdo edicion.

Bëhet fjalë për gazetaren Adelajda Xhamani, e cila u nda tragjikisht nga jeta në moshën 31-vjeçare në tetor të 2017-ës. Adelajdën së fundmi e ka kujtuar mikesha e saj dhe balerina e DWTS, Isida Mollaymeri, e cila shprehet se mungesa e saj ndihet së tepërmi.

“My A... E bukura ime ti... Zemra ime ti sa shume me ka mare malli,me mungon ne cdo gje...Dje isha ne skene dhe me dukej sikur ti do ishe ne koridor duke ngacmuar vipat si gjithmone ... Skena ishte yll dhe qe dje fillova te kisha emocione,e ke parasysh lepurin tim te barku...Vetem ti e une e di pse vura pikerisht kte video,ktu une jam ti e ti je une... Kujtimet tona jane te shumta po ne DWTS ti ishe nje nga yjet shpirti im...Ti po aq sa une e doje pafund kete spektakel,e une tashme e dua dyfish ele per ty ele per veten... Te dua shume e bukura ime dhe je gjithmone me mua ne cdo kujtim timin... Love you thacka jote...”-ka shkruar balerina në përshkrimin e videos ku shihet Adela. /Xing.al.