'Çmenduritë" e saj janë ndoshta arsyeja pse Rihanna është kaq e dashur për fansat dhe adhuruesit e muzikës në gjithë botën. Është e paparashikuar në gjërat që bën dhe thotë, por mbi të gjitha një artiste e madhe, kontroversale dhe unike në stilin me të cilin përfaqësohet në botën e muzikës.

Sot, Riri ka shumë arsye për të festuar, sidomos në këtë ditëlindje jubilare për të! Ajo do të fik plot 30 qirinj në tortën e ditëlindjes, por përpara se ta bëj këtë, këngëtarja ka vendosur t'i çudisë të gjithë. Në instastory, ajo ka postuar një foto, ku duket e veshur me një bluzë ku shkruhej: "Unë e urrej Rihanna-n", ndërsa ka shtuar në këtë postim, se "kjo është dita e fundit për të marrë vendime të këqija, përpara se t'ja lë fajin moshës 20 vjeçare".