Disa media ‘Fake’ ka shpërndarë në rrjetet sociale njoftimin se është ndarë nga jeta aktori i madh i Hollywoodit, Sylvester Stallone. Pre e këtyre lajmeve është bërë dhe këngëtari i njohur shqiptar Stefi Priti, i cili në profilin e tij ka bërë një status ngushëllues.

‘Nje nder aktoret me te medhenj te kinematografise hollivudiane dhe boterore. Eh.. ne sa filma e kemi ndjekur dhe sa shume na ka dhene nepermjet rroleve dhe personazheve. Respekte gjigandi Silvester Stalone’ shkruan ai ku në foto janë shënuar R.I.P dhe periudha e ndarjes nga jeta. 

Ka qenë dhe këngëtari Sidrit Bejleri i cili me komentet e tij ka mohuar njoftimin e këngëtarit. Ndërkohë në asnjë prej mediave më të mëdha botërore nuk qarkullon një lajm i tillë.

Theksojmë se deri më tani ky lajm cilësohet i rremë. Lajmet më të fundit rreth aktorit kanë të bëjnë me aktivitetin e tij kinematografik.