Pas largimit të tij të bujshëm nga spektakli “Portokalli” ku e kishim parë prej 14 vitesh, shpërthyen hamendësimet për motivet e vërteta që e çuan Bes Kallakun të largohet nga spektakli i humorit.
Fillimisht u aludua për krisje të marrëdhënies së tij me regjisorin e “Portokalli” Altin Bashën. Çka Besi e mohoi.
Më pas u pyet nëse ka patur marrëdhënie të mira me pronaret e Top Medias. Besi në intervista të ndryshme tha se u largua nga “Portokalli” për shkak se planifikon të shfaqet me një projekt të vetin, për të cilin ende nuk ka rrëfyer diçka konkrete.
E për t’i mbyllur gojët e liga, ja tek vjen dhe lajmi që Besi, jo vetëm nuk është larguar me “sherr” nga Topi, por ai ftohet atje në emisione të rëndësishme.
Bes Kallaku do të jetë pjesë e puntates së ardhshme të së dielës të “Shiko kush luan” të Luana Vjollcës. Kallaku ka publikuar në rrjete sociale disa foto nga spektakli.
© SYRI.net