Këngëtarja kosovare me famë botërore, Dua Lipa po vazhdon me turnetë nëpër botë. Së fundi, ajo ka qëndruar në Meksikë ku vazhdimisht është e angazhuar me koncerte.

Mbrëmë ajo ka performuar para një publiku shumë të madh në numër, të cilët këndonin bashkë me Duan këngët e saj. Në rrjete sociale, këngëtarja ka shpërndarë disa imazhe dhe video në të cilat shihet atmosfera gjatë performancës së saj në skenën e Meksikës.

Ajo ka falënderuar të gjithë për mirëpritjen, duke u shprehur e mahnitur për përvojat që i ka sjellë ai udhëtim. Dua Lipa në këtë udhëtim ishte e shoqëruar bashkë me të dashurin Paul Klein,i cili po ashtu performoi në të njëjtën skenë.