Kërkesat për hidrokarbure janë shtuar brenda këtyre dy muajve të verës në Kosovë. Shitësit tregojnë se ardhja e mërgimtarëve ka shtuar edhe qarkullimin e automjeteve dhe kjo ka ndikuar që edhe kërkesat për derivate të rriten. Ndërsa çmimet brenda kësaj jave kanë pasur një ngritje të lehtë, raporton KTV.

Nga Shoqata e Naftëtarëve vazhdojnë ta ngrenë si shqetësim kontrollin e lëvizjeve të çmimeve. Ka pothuajse tre vjet që ata kanë kërkuar formimin e një institucioni që do të merrej me lëvizjet e çmimeve.

Më shumë se 2 milionë litra naftë e derivate kanë hyrë brenda 24 orëve në Kosovë.