World Wildlife Fund (WWF) thotë se do të ngrejë akuza kundër zyrtarëve në Gjermaninë Lindore që kanë urdhëruar gjuetarët për të vrarë një bizon të egër që besohet të jetë i pari i këtij lloji në vend për më shumë se 250 vjet.

Policia thotë se një njeri zbuloi bizonin më 13 shtator pranë lumit Oder në Lebus, një qytet 88 km në lindje të Berlinit.

WWF në Gjermani thanë se zyrtarët lokalë e përcaktuan kafshën e madhe si një kërcënim për sigurinë e komunitetit dhe urdhëruan që bizoni të vritej.

“Vrasja e një kafshe të mbrojtur rreptësisht pa një rrezik të mundshëm është një vepër penale”, tha në një deklaratë zyrtari i mbrojtjes së natyrës së WWF Christoph Heinrich.

“Pas më shumë se 250 vitesh një bizon i egër është parë në Gjermani”, shtoi ai.

WWF thotë në faqen e saj se “sjellja specifike e llojeve të bizonit nuk përbën kërcënim për njerëzit”, duke shtuar se ka pasur “projekte të suksesshme me bizon të egër në Poloni dhe tani në Gjermani”.

“Të shtënat janë fatkeqësisht gjithashtu një shprehje e pafuqisë së autoriteteve, se si duhet të merren me kafshët e egra”, shtoi Heinrich.

Besohet se bizoni mund të ketë shkuar në Gjermani nga Parku Kombëtar Uj?cie Warty i Polonisë, i cili është në kufirin midis dy vendeve.

Bizon Evropian, herbivori më i madh në kontinent, është identifikuar si një specie e rrezikuar në Listën e Kuqe të Bashkimit Ndërkombëtar për Ruajtjen e Natyrës.

IUCN thotë se bizoni ishte gjetur gjerësisht në të gjithë Evropën Perëndimore, Qendrore dhe Juglindore, por në fund të shekullit të 19-të, vetëm dy popullata të bizonit mbijetuan në pyllin Bia?owie?a dhe malet e Kaukazit Perëndimor./Ora/