Sekretari i Shtetit i SHBA-së, Rex Tillerson, i ka drejtuar një mesazh ngushëllimi dhe solidariteti, Spanjës, pas sulmeve terroriste të 24 orëve të fundit, që tronditën Spanjën dhe gjithë botën.

“Shprehim ngushëllimet tona për humbjen e jetëve dhe plagosjet që sërish prekën kaq shumë njerëz të pafajshëm, - shkruan Tillerson. - Ne qëndrojmë të gatshëm për të ndihmuar forcat e rendit dhe autoritetet e sigurisë kombëtare në Spanjë.

Terroristët kudo në botë, duhet ta dinë se Shtetet e Bashkuara dhe aleatët tanë janë të vendosur për t’ju gjetur dhe për t’ju vënë para drejtësisë. Sekretari i Shtetit Rex Tillerson”, thuhet në përfundim të mesazhit.