Kryeministrja konservatore, Theresa May dhe kreu i opozitës laburiste Jeremy Corbyn u përballën dje me tone të ashpra gjatë seancës së fundit të pyetjeve në prani të deputetëve britanikë, përpara legjislativeve të 8 qershorit.
Gjatë asaj që mund të konsiderohej si përballja e fundit, May refuzoi të merrte pjesë në një debat televiziv dhe akuzoi Corbyn se nuk ishte në lartësinë e duhur për detyrën e kryeministrit, ndërsa lideri laburist e akuzoi se po punonte për të pasurit dhe se kërkonte të sakrifikonte shërbimet publike, veçanërisht shëndetësinë.
May vuri theksin te fakti se vetëm Partia Konservatore ishte e aftë për të mbështetur një lidership të fortë dhe të qëndrueshëm në vend në kohën kur do të angazhohej në negociatat e Brexit.
”Përballë ndodhet kaosi”, u shpreh ajo duke vënë theksit tek përçarjet e laburistëve, të ndarë mes bazës pro-Corbyn dhe strukturës që kundërshton vijën e tij shumë të majtë.
Corbyn, partia e së cilit është renditur shumë prapa në sondazhe, u shpreh se zgjedhja është mes një partie konservatore që mbron një pakicë të britanikëve kundrejt një qeverie laburiste që do të mbronte të gjithë.
© SYRI.net