Pas dy javësh lundrim, duket një nga nëndetëset amerikane ka mbërritur në Korenë e Jugut, mes shqetësimeve për një tjetër test bërthamor nga ana Koresë së Veriut.
Nëndetësja ‘USS Michigan’, e cila raportohet se është e armatosur me raketa, do të bashkohet me armatën amerikane që udhëhiqet nga aeroplanmbajtësja “Carl Vinson”.
Tensionet në gadishullin Korean janë rritur ndjeshëm gjatë javëve të fundit, ndërkohë që SHBA-ja dhe Koreja e Veriut shkëmbejnë retorika të ashpra, shkruan “BBC”.
Të gjithë Senatit amerikan i është kërkuar të marrë pjesë në një konferencë mbi Korenë e Veriut në Shtëpinë e Bardhë.
Theksojmë se Koreja e Veriut feston ditën e sotme përvjetorin e 85-të të themelimit të ushtrisë së saj .
E zemëruar nga afrimi i grupit luftarak amerikan, shteti diktatorial tha të hënën se zhvendosja e tyre ishte "një veprim jashtëzakonisht i rrezikshëm, shkruan “Syri.net”.
"Shtetet e Bashkuara nuk duhet të nxitojnë dhe duhet të marrin në konsideratë me kujdes çdo pasojë katastrofale nga aktet e saj të pamenduara provokuese", tha gazeta zyrtare e partisë në pushtet në Korenë e Veriut.
Dy luftanije japonezë janë bashkuar me grupin amerikan për stërvitje në Paqësorin perëndimor, dhe Koreja e Jugut tha të se ishte gjithashtu në bisedime rreth mbajtjes së ushtrimeve të përbashkëta detare./SYRI.net/
© SYRI.net