Pas spekulimeve alarmante në rrjetet sociale, Moska zyrtare është detyruar të shpjegojë lëvizjet e trupave dhe tankeve afër kufirit me Korenë e Veriut, shkruan “Reuters”
Një zëdhënës i ushtrisë ruse tha mbrëmë se lëvizjet në fjalë janë pjesë e një sërë ushtrimesh të planifikuara dhe nuk kanë ndonjë lidhje me përshkallëzimin e tensioneve në Gadishullin e Koresë.
Mediat lokale kanë raportuar se banorët janë shprehur të frikësuar konfliktet e mundshme mes Shteteve të Bashkuara dhe Rusisë, do të mund të përhapen në rajonin e tyre, shkruan ‘Syri.net’.
Por, Aleksandr Gordeyev, zëdhënës i rajonit ushtarak në Lindjen e Largët ruse, ka deklaruar se edhe pse aktiviteti ushtarak jo i zakonshëm, është pjesë e ushtrimeve të planifikuara nga ushtria ruse.
Nga ana tjetër, zëdhënësi i Putin, Dmitry Peskov, ka refuzuar të komentojë videot e medieve lokale e ndërkombëtare ku shihen dhjetëra tanke dhe raketa duke u transportuar me tren në rajonin Primorje, afër kufirit me Korenë e Veriut.
Ky vendim i bujshëm i republikës ruse vjen pasi Kina dërgoi 150,000 trupa në kufirin e vet me Korenë e Veriut, shkruan ‘Syri.net’. Ata janë të shqetësuar se një sulm i mundshëm ajror nga marina amerikane ndaj shtetin vetmitar mund të bëjë që mijëra koreanoveriorë të nisen drejt Kinës.
Vendimi i presidentit Donald Trump për të dërguar nje armatë të fuqishme në gadishull ka shtuar edhe më shumë frikën në rajon./SYRI.net/
© SYRI.net