Presidenti i SHBA-së, Donald Trump priti sot në një takim të shkurtër sekretarin e përgjithshëm të OKB-se, Antonio Guterres, biseda e parë mes dy zyrtarëve të lartë në funksion prej janarit.

Portugezi Antonio Guterres, i cili pasoi koreano-jugorin Ban Ki-moon takoi gjithashtu në Shtëpinë e Bardhë gjeneralin H.R. McMaster, këshilltar për sigurinë kombëtare i presidentit amerikan.

“Antonio Guterres dhe Donald Trump zhvilluan një bisedë interesante dhe konstruktive për bashkëpunimin mes SHBA-së dhe Kombeve të Bashkuara”, deklaroi zëdhënësi i OKB-së, Stéphane Dujarric. Ata ranë dakort për një takim tjetër brenda një kohe të shkurtër.

OKB-ja ka shfaqur në mënyrë të veçantë shqetësim për shkurtimet e financimeve të parashikuara nga administrata Trump.