Të paktën 19 persona kanë vdekur dhe tre të tjerë janë plagosur pas rrëzimit të një helikopter ushtarak rus në rajonin verior të vendit, Jamal, raportoi sot agjencia zyrtare ruse e lajmeve, TASS, duke cituar një zyrtar të paidentifikuar.
“Ekipet e shpëtimit që mbërritën në vend kanë hyrë në helikopterin e dëmtuar, ku gjetën tre persona në gjendje të rëndë. Sipas të dhënave paraprake, të paktën 19 pasagjerë të tjerë kanë vdekur”, tha burimi, sipas TASS.
Ministria ruse e Emergjencave më herët njoftoi se “një helikopter tip Mi-8 është rrëzuar 80 kilometra në veriperëndim të qytetit të Urengoyit në qarkun autonom të vendit, Jamal-Nenec”.
“Sipas të dhënave paraprake thuhet se 22 persona ishin në bordin e helikopterit”, deklaroi TASS.
“Besohet se helikopteri po transportonte punonjësit e kompanisë të naftës dhe ishte nisur drejt Urengojit”, shkruan agjencia ruse.
Autoritetet kanë nisur një hetim.
© SYRI.net