Lideri opozitar rus, Aleksei Navalny, është dërguar në një gjykatë në Moskë, një ditë pasi është arrestuar nga policia.
Dhjetëra persona janë arrestuar anembanë Rusisë të dielën, në mesin e disa protesta masive, pasi opozita u kërkoi njerëzve të dalin në rrugë për të demonstruar kundër korrupsionit dhe të kërkojnë dorëheqjen e kryeministrit Dmitry Medvedev.
Lideri opozitar rus, Alexei Navalny njoftoi në faqen e tij në Facebook se më shumë se 80 qytete në të gjithë Rusinë do të mbajnë protesta të dielën dhe se autoritetet nuk kishin sanksionuar shumicën e tubimeve.
Ai publikoi rezultatet e hetimeve, të cilat sipas tij zbulojnë një skemë korrupsioni të kryeministrin rus (dhe ish-president) Dmitry Medvedev, aleati kryesor i Putin.
Por tani Navalny pritet të akuzohet për organizimin e tubimeve të paautorizuara dhe mund të dënohet me 15 ditë burgim, shkruan “Reuters”
Shtetet e Bashkuara dhe Bashkimi Evropian kanë dënuar arrestimin e protestuesve dhe kanë bërë thirrje për lirim të menjëhershëm
Të dielën, mijëra njerëz protestuan duke bërë thirrje për dorëheqjen e kryeministrit rus, Dmitry Medvedev, nën dyshimet për korrupsion.
Shumica e marshimeve u organizuan pa leje zyrtare./SYRI.net/
© SYRI.net