Dy përfaqësues të Helmetave të Bardha, forcat e ndihmës së parë me një popullaritet të spikatur në zonat rebele të Sirisë, sidomos ne Alepo, ishin të ftuar  në ndarjen e Çmimeve Oscar por nuk do të udhëtojnë përfundimisht drejt SHBA, edhe pse kanë treguar për profilin e punës së tyre pranë autoriteteve të aeroportit.

Ishte planifikuar që Raed Saleh, kreu i Helmetave të Bardha dhe Khaled Khatib, një punonjës i forcave të shpëtimit që ka fotografuar skena të shumta tronditëse gjatë shpëtimit pas bombardimeve në Siri, të cilët duhet të ishin sot të pranishëm në Çmimet Oscar pasi janë në fokus të një dokumentari i nominuar për një statujë.

“Pas tre ditë qëndrimi në aeroport, nuk jam lejuar të shkoj në ceremoninë e Çmimeve Oscar. Kisha një vizë amerikane por pasaporta ime nuk u pranua. I trishtuar, por kam punë më të rëndësishme për të kryer këtu”, shkroi dje në Twitter Khaled Khatib, ndërsa ndodhej në Stamboll.

“Është e nevojshme pajisja me dokumenta të vlefshme për të udhëtuar në SHBA”, komentoi një zëdhënës i autoritetit amerikan të imigracionit (CBP) i pyetur nga media