Presidenti amerikan Donald Trump ka dërgur këtë hënë, dy ndihmës të tij në studiot e 'Zërit të Amerikës', (Voice of America), duke shtuar shqetësimet në mesin e stafit të televizionit, me frikën se Trump mund të ushtrojë kontroll mbi pushtetin e transmetimit, i cili prej kohësh ka mbështetur idealet demokratike në të gjithë botën.
Ardhja e dy ndihmësve, të dy operatorë politikë nga fushata e Trump, vjen pasi “Zëri i Amerikës’ postoi një sërë imazhesh në Twitter, rreth pretendimeve të Sekretarit të Shtypit në SHtëpinë e Bardhë, Sean Spiecer, në lidhje me numrin e të pranishmëve gjatë inaugurimit të Trump, raporton Politico.com.
Shqetësimi në mesin e stafit të Zëri të Amerikës, është prezent për shkak se administrata e Trump po vendos kontroll mbi agjencitë e transmetimeve.
Kjo ka ushqyer frikën në mesin e disa zyrtarëve të agjencisë pasi Zëri i Amerikës mund të shërbejë si një degë propagande për ish yllin televiziv.
Në të hënën e parë të administratës së tij, Trump i cili ka flirtuar me idenë e lançimit të rrjetit të tij televiziv, vendosi dy zyrtarë, të cilët do të vlerësojnë menaxherët dhe studion e Broadcasting Board of Governor, që ka një buxhet vjetor prej 800 milionë dollarësh dhe përfshin Zërin e Amerikës, Radio Evropa e Lirë, Radio Azia e Lirë dhe Rrjetin e Transmetimit të Lindjes së Mesme.
/SYRI.net
© SYRI.net