Senati i Shteteve të Bashkuara ka konfirmuar me lehtësi mbrëmë vonë Mike Pompeo si drejtorin e CIA-s.
Ndërkohë Komiteti për Marrëdhëniet e Jashtme te Senatit miratoi Rex Tillerson si Sekretarin e ri Amerikan të Shtetit me vetëm një votë tepër.
Të dy këta kandidatë janë nominuar nga presidenti, Donald Trump.
Senati votoi me 66 pro dhe 32 kundër, që ish-kongresmeni Mike Pompeo, të bëhet drejtor i ri i agjencisë CIA.
Nga ana tjetër, në Komitetin për marrëdhënie të jashtme të Senatit, për Tillerson votuan 11 vetë, ndërsa kundër tij ishin 10 anëtarë të këtij komiteti.
© SYRI.net