Mbidoza nga droga vret 50 000 amerikanë, më shumë se aksidentet automobilistike

Mbidoza nga droga vret 50 000 amerikanë, më shumë se aksidentet automobilistike

11:51, 10/12/2016
A+ Aa A-

Më shumë se 50 000 amerikanë kanë vdekur nga mbidoza e drogës vitin e kaluar, tregojnë statistikat federale, raporton Associated Press. Shifrat katastrofike janë rritur ndjeshëm nga abuzimi me heroinën dhe një lloj tjetër i drogërave të njohura si opioide.

Sipas të dhënave të qeverisë, vdekjet e shkaktuara nga heroina u rritën me 23 % në një vit duke e çuar numrin e vdekjeve në 12.989, një shifër pak më e lartë se numri i vrasjeve me armë.

Vdekjet nga opioidet sintetike, duke përfshirë fentanyl-in e paligjshëm, u rritën me 73 %, konkretisht 9.580 raste. Keqpërdorimi i drogërave si Oxycontin dhe Vicodin ka vrarë 17.536  persona, në një rritje prej 4%.

“Unë nuk mendoj se nuk e kemi parë ndonjëherë një gjë të tillë. Jo në kohët moderne, “ka thënë Robert Anderson, i cili mbikëqyr statistikat e vdekjeve në Qendrat e Kontrollit dhe Parandalimit të Sëmundjeve.

Shifrat e reja ishin pjesë e numërimit vjetor të agjencisë së vdekjeve dhe normës së vdekjeve në vitin 2015.

Vdekjet mbidozë u rritën me 11 % vitin e kaluar, duke vrarë 52.404 persona. Ndërkohë numri i njerëzve që kanë humbur jetën si pasojë e aksidenteve rrugore ishte 37.757, një rritje prej 12 përqind.

Si pjesë e raportit vjetor të CDC, u gjet po ashtu se normat për 8 nga dhjetë shkaqet kryesore të vdekjes u rritën vitin e kaluar duke bërë që jetëgjatësia e kombit të zbresë për herë të parë në më shumë se 20 vjet.

Vdekjet nga mbidoza ishin një faktor i rëndësishëm, por rritja e papritur e numrit të vdekjeve nga sëmundjet e zemrës, shkaktari numër 1 i vdekjeve në Amerikë, ishte një shkak madhor.

 

 

 

© SYRI.net

Lexo edhe:

Tags

Komentet

Shto koment

Denonco