Mikhael Kodorkovski është oligarku rus i naftës që është prej kohësh në konflikt më presidentin rus Putin dhe për këtë arsye jeton në “ekzil” në Zvicër.

Kodorkovski në 2003 ishte miliarderi i 16-të në botë sipas Forbes. Ai u arrestua nga Putin në 2003 pasi kishte ngrirë asetet e kompanisë së naftës Jukos të akuzuar për evazion fiskal. Në 2005 ai u dënua me 9 vjet burg dhe më vonë u dënua edhe për pastrim parashë duke ia shtura burgimin deri në 2014.

Me ndërhyrjen e ministrit të jashtëm gjerman Gensher, Kodorkovski u lirua në vitin dhejtor të vitit 2013 i falur nga Putin. Menjëherë u larguan nga Rusia dhe fitoi të drejtën e azilit në Zvicër.

Këto ditë kur po diskutohet për helmimin e një spiuni rus gjë që ka çuar në tensionimin e marrëdhënieve mes Britanisë së Madhe e Rusisë, Kodorkovski i ka thënë radio BBC se “Presidenti rus është i rrethuar dhe kontrollohet nga gansterë kriminelë, të cilët mund të kenë fuqi më të madhe se ai vetë”.

Lidhur me helmimin e spiunit rus dhe vajzës së tij që jetojnë po ashtu në “ekzil”, Kodorkovski ka shtuar se “ ose shërbimi sekret ka vepruar pa pasur miratimin nga Putin ose shërbimi sekret ka vepruar me miratimin e tij. Thënë ndryshe “ose Putin ka dhënë pëlqimin e tij për këtë operacion ose ai nuk e kontrollon më shërbimin sekret dhe për rrjedhojë grupi kriminal mund të veprojnë pa miratimin e tij”

Sipas oligarkut rus në mërgim “ekziston një grup i vogël deri në 100 individë, i cili ka pasur përfitimet kryesore nga regjimi i Putinit dhe i cili thuhet se vepron tashmë si një grup kriminal i organizuar”. Pyetja që shtrohet nga Kodorkovski është nëse “Putin e kontrollon këtë grup kriminal apo ky grup kontrollon Putinin”.

Oligarku rus thotë se “para tre vjetësh kam thënë se ishte Putini që e kontrollonte këtë grup kriminal dhe ai ishte bosi i tyre kryesor”. Kurse tani ai mendoj ndryshe: “Unë kam marrë informacione nga rrjetet e brendshme të këtij grupi që më thonë se ky grup kriminal ka mësuar sesi të manipulojë në mënyrë efektive Putinin dhe kjo gjë ka funksionuar me sukses disa herë”.