Presidenti amerikan Barack Obama ka thënë se ai mund të flasë dhe të kundërshtojë reformat dhe vendimet e administratës edhe pas largimit nga detyra, nëse  mendon se pasardhësi i tij Donald Trump po kërcënon vlerat thelbësore amerikane.

Sipas konventes, ish-presidentët kanë tendencë të largohen nga skena politike dhe të shmangin komentet mbi pasardhësit e tyre.

Duke folur në një konferencë shtypi në samitin e APEC në Lima, Peru, zoti Obama tha se ai synonte të ndihmonte Trump dhe t'i jepte kohë për të realizuar vizionin e tij.

Por ai tha se, si një qytetar privat, ai mund të flasë dhe kundërshtojë për çështje të caktuara.