Marrëveshje franko-britanike për kontrollimin e imigracionit

Marrëveshje franko-britanike për kontrollimin e imigracionit

21:18, 18/01/2018
A+ Aa A-

Presidenti francez, Emmanuel Macron dhe kryeministrja britanike, Theresa May nënshkruan sot një traktat të ri mbi kontrollin e imigracionit mes Francës dhe Britanisë së Madhe, gjatë samitit të 35-të franko-britanik në Akademinë Ushtarake Mbretërore të Sandhurst, pranë Londrës.

“Ky traktat i ri synon të përforcojë bashkëpunimin në menaxhimin e kufirit të përbashkët me një traktat të përmirësuar në lidhje me minorenët e pashoqëruar azilkërkues”, sipas një komunikate të publikuar në përfundim të takimit të presidentit francez me kryeministren britanike.

Ky traktat parashikon një kontribuim shtesë nga Londra prej 50 milionë eurosh për kontrollin e kufirit në Kale, ku mblidhen shumë klandestinë me shpresën që të kalojnë ngushticën e La Manshit.

© SYRI.net

Lexo edhe:

Komentet

Shto koment

Denonco