Lajmi i fundit

TASK FORCE/ Narcos-Xibraka, Olsi Rama në krye të bandës?

15 milionë makina u shitën vjet në Evropë, ja cilat markat u preferuan

15 milionë makina u shitën vjet në Evropë, ja cilat markat u preferuan

09:48, 17/01/2018
A+ Aa A-

Performanca pozitive ekonomike që shoqëroi Europën gjatë vitit 2017 është reflektuar edhe në tregun e automjeteve, duke sjellë një rimëkëmbje të plotë të tij. Janë mbi 15.1 milionë makina të reja të regjistruara në vendet e Bashkimit Europian, çka përbën një rritje me 3.4% në krahasim me 2016-ën.

Numri i makinave të shitura ka qenë në rritje në pothuajse të gjitha vendet, me përjashtim të Finlandës, Danimarkës, Irlandës dhe Mbretërisë së Bashkuar. Efekti “Brexit” duket se ka krijuar panik mes konsumatorëve, shumë prej të cilëve janë qytetarë europianë që nuk kanë shumë siguri për të ardhmen në qëndrimin e tyre në ishull.

Mbi 1/5 e tregut e zë Gjermania, me 3.4 milionë automjete të shitura, ose 2.4% më shumë se një vit më parë.

Sa i takon prodhuesve, Volkswagen Group vazhdon të mbajë fronin me mbi 3.7 milionë automjete të shitura, në rritje me 2.1% nga një vit më parë. Meritë në këtë performancë ka popullariteti në rritje i modeleve Seat dhe Skoda, pjesë e këtij grupi.

Në vend të dytë qëndron grupi PSA, i cili përfshin Peugeot dhe Citroen, ndërsa në fillim të 2017 zyrtarizoi edhe blerjen e Opel. Ky grup shiti mbi 1.8 milionë njësi, duke i marrë vendin e dytë grupit Renault. Për këtë të fundit, marka më popullore vazhdon të mbeten modelet Renault, por ka një rritje të theksuar të shitjeve të Dacia.

Viti 2017 rezultoi i suksesshëm edhe për grupin italo-amerikan FCA, i cili me mbi 1 milion modele të shitura, mbërrin dhe tejkalon grupet BMW, Ford dhe Daimler, shkruan scan.tv. Më poshtë është edhe një tabelë që tregon markat më të shitura të vitit dhe cilit grup i përkasin:

Marka Grupi                   Njësi të shitura
Volkswagen VW Group   1 706 369
Renault Renault Group   1 150 498
Ford Ford                      1 031 957
Peugeot PSA Group       925 113
Mercedes Daimler          893 574
BMW BMW Group          827 137
Audi VW Group              826 370
Fiat FCA Group              779 534
Skoda VW Group           705 421
Citroen PSA Group         569 728

© SYRI.net

Lexo edhe:

Komentet

Shto koment

Denonco