Aleatët e NATO-s dhe vendet partnere filluan këtë javë ndihmën ndaj Shqipërisë, që është përballur me përmbytjet më të mëdha të regjistruara ndonjëherë në këtë vend, thuhet në një raport të aleancës së Atlantikut Verior.
”Shqipëria kërkoi asistencë nga Qendra e aleancës për Koordinimin për Përgjigjen ndaj Katastrofave (EADRCC) më 4 dhjetor, pas shirave të rrëmbyer në qendër dhe në jug të vendit. Sipas autoriteteve shqiptare, përmbytjet dëmtuan më shumë se 4 500 ndërtesa, 36 transormatorë energjie dhe dhjetëra rrugë”, thuhet në njoftim.
”Aleatët e NATO-s dhe vendet partnere iu përgjigjën menjëherë kërkesave të palës shqiptare. Bullgaria, Franca, Mali i Zi, Sllovenia, Sllovakia dhe Austria ofruan ndihmën e tyre, përfshirë ekipe shpëtimi, gjeneratorë dhe tenda”, shtohet në të.
”Edhe aleatë të tjerë të NATO-s po marrin në shqyrtim ndihmë shtesë ndaj ditëve të ardhshme”, theksohet në njoftim.
EADRCC-ja është mekanizmi kryesor i NATO-s për të tilla situata./atsh/
© SYRI.net
Ndryshimet e klimës do të ulin ndjeshëm të ardhurat botërore
E ardhmja e energjisë së rinovueshme? Pasqyra gjigante të varura në hapësirë
A do të kenë ndonjë efekt përpjekjet e Baerbock në Tel-Aviv?
Denonco
Merrni lajmet më të fundit nga SYRI.net në çdo moment dhe kudo që të jeni!
