Koreja e Veriut duket se po forcon kufirin e saj në Zonën e Demilitarizuar (DMZ) me Korënë e Jugut, disa ditë pasi një ushtar u arratis nga vendi komunist duke vrapuar
Një diplomat amerikan në Korenë e Jugut ka postuar një foto që tregon punëtorët e Koresë së Veriut, që gërmojnë një hendek te madh.
Ushtari që dezertoi u qëllua disa herë nga rojet kufitare të Veriut javën e kaluar.
Koreja e Jugut u ka dhënë medalje ushtarëve të saj që ndihmuan në shpëtimin e oficerit të plagosur të Kim Jong-un.
Një diplomat tjetër që vizitoi të njëjtin vend i tha agjencisë së lajmeve ‘Reuters’ se kishte parë gjithashtu disa punëtorë që gërmonin një hendek.
Arratisja që' tronditi' botën
Një ushtar i Koresë të Veriut, dezertor, tenton të kalojë kufirin me një makinë që e nget me shpejtësi drejt Koresë së Jugut. makina e tij bie në sy të rojeve të kufirit pranë Zonës Kufitare dhe ushtarët koreanoveriorë reagojnë.
Ndërsa ata ndjekin kolegun e tyre, ushtarit i bllokohet makina fare afër kufirit dhe ai ikën prej saj, vrapon më këmbë që të kalojë ato pak metra që e ndajnë nga liria, por shokët e tij e qëllojnë dhe plumbat e shtrijnë përtokë. Njeri prej rojeve kufitare madje, hedh edhe ca hapa përtej kufirit dhe pastaj kthehet më shpejtësi mbrapsht në Korenë e Veriut.
Ushtari dezertor i plagosur bie mbi një pirg gjethesh dhe mbetet mes dy kufijve derisa bie nata.
Natën, rrezet infra të kuqe të kameras kapin imazhet e dy ushtarëve të Koresë së Jugut teksa tërheqin zvarrë të plagosurin për ta futur në Korenë e Jugut.
Incidenti dramtaik ndodhi më 13 nëntor. Ushtari i plagosur ndodhet në gjendje të stabilizuar në një spital në Korenë e Jugut./SYRI.net/
© SYRI.net