Presidenti rus Vladimir Putin do të zhvillojë sot një takim me homologun e tij iranian, Hassan Rowhani në Teheran, mbi momarrëveshjet e qeverisë së Iranit dhe politikës së jashtme antiiraniane të Shteteve të Bashkuara të Amerikës në rajon.
Rowhani do të zhvillojë një takim me Putinin dhe presidentin e Azerbajxhanit, Ilham Alijev në kuadër të bisedimeve politike dhe ekonomike ku pritet që vendi mikpritës të bëjë me dije se miratimi i SHBA-së nuk është i nevojshëm për bashkëpunimin rajonal.
“Askush nuk po i kushton vëmendje retorikës së amerikanëve”, tha dje zëvendësministri i Jashtëm Ebrahim Rahimpur.
Gjithashtu, sipas Rahimpur vizita e Putinit do të përfshijë diskutime rreth bashkëpunimit të Iranit me Rusinë në konfliktin e vazhdueshëm sirian.
Aktualisht, Teherani dhe Moska mbështesin sundimin sirian të Bashar al-Assad dhe janë angazhuar së bashku në luftën kundër grupit terrorist të Shtetit Islamik.
Të dy vendet janë në favor të zgjedhjeve të reja në Siri, por me pjesëmarrjen e Bashar al-Assadit.
© SYRI.net