Lajmi i fundit

LIVE/ Qytetarët tubim në mbështetje të liderit të opozitës, Sali Berisha

Trump: Populli amerikan u sëmur nga hetimet për çështjet ruse

Trump: Populli amerikan u sëmur nga hetimet për çështjet ruse

07:20, 17/10/2017
A+ Aa A-

Presidenti i Shteteve të Bashkuara, Donald Trump, kërkoi që hetimet për bashkëpunimin e dyshuar të fushatës së tij me Rusinë, në zgjedhjet e vitit të kaluar, të përfundojnë sa më shpejt.

“Duhet të marrin fund, sepse populli amerikan është sëmurë nga ato”, tha Trump për gazetarët në Shtëpinë e Bardhë.

Presidenti republikan përsëriti se “e gjithë çështja ruse është vetëm një justifikim” i demokratëve, pas humbjes së kandidates së tyre, Hillary Clinton.

Departamenti i Drejtësisë ka emëruar këshilltarin e posaçëm, Robert Mueller, për udhëheqjen e këtyre hetimeve.

Ka shenja se Mueller është duke hetuar edhe nëse Trump ka penguar drejtësinë, duke shkarkuar ish-drejtorin e FBI-së, James Comey, derisa ai ka qenë duke hetuar çështjen ruse.

Inteligjenca amerikane ka konstatuar se Rusia, me urdhër të presidentit Vladimir Putin, ka bërë fushatë online për të ndihmuarTrumpin që t’i fitojë zgjedhjet e nëntorit.

Putin e ka mohuar përfshirjen e Rusisë, ashtu si edhe Trump./REL

© SYRI.net

Lexo edhe:

Komentet

Shto koment

Denonco