Autoriteti i Mediave Audiovizive, AMA, ka kërkuar nga televizionet që të mos transmetojnë reklamën e bërë nga UET-ja.
Në një njoftim thuhet se: Autoriteti i Mediave Audiovizive ka evidentuar në 24 orët e fundit transmetimin e një reklame televizive mbi aktivitetin e Universitetit Europian të Tiranës, për pranimet e reja në këtë vit akademik studimor.
Përmbajtja e reklamës haptazi cenon të drejtat e konsumatoreve, duke iu dhënë atyre informacion për këtë subjekt arsimor privat dhe njëkohësisht duke përçmuar sistemin arsimor publik të Republikës së Shqipërisë.
AMA iu kërkon operatoreve audiovizive të ndërpresin menjëherë transmetimin e kësaj reklame, që ka haptazi natyrë të pandershme tregtare për shkak të krahasimit me institucione të tjera të identifikuara.
AMA kërkon dhe nga Autoriteti i Konkurrencës dhe nga Komisioni i Mbrojtjes së Konsumatorëve që ta shqyrtojnë këtë rast për përputhshmërinë ligjore.
© SYRI.net
Cilit i duhet hequr licensa.Duhet ngritur nje grup inspektimi dhe te nxjerre abuzimet qe behen. Ai e paguan stafin 1 here ne muaj , kurse te rinjte marrin doktoratura ne kembim te mesimdhenies. Fajin e ka qeveria qe e akrediton me letra.