Autoritetet e pushtetit vendor të periudhës para fundit të Luftës II Botërore kishin tagër të lëshonin, veç dokumenteve të tjera, çertifikata të gjendjes politike, morale dhe shoqërore, dokument i ngjashëm me "dëshminë e penalitetit" të kohëve të sotme, si dhe çertifikata të prejardhjes dhe kombësisë, njofton Arkivi Qendror i Shtetit.

Në dokumentin që publikohet, më 18 shtator 1941, komuna e Qendrës së Kurveleshit vërteton përkatësinë kombëtare "prej gjaku e race shqiptare" të një të interesuari. Foto: AQSh.