Familja, të afërmit dhe miqtë e kantautorit Françesk Radi po kalojnë orë ankthi në reanimacionin e spitalit “Nënë Tereza” me sytë dhe shpresën tek Zoti se artisti do të arrijë të kalojë gjendjen e rëndë shëndetësore.

Në një video të publikuar nga gazetari i sportit Dëfrim Methasani, bashkëshortja e kantautorit Tefta Radi thotë se gjendja e rënduar shëndetësore e tij pamundëson transportin jashtë vendit pavarësisht angazhimit të strukturave të shtetit.

Mes lotëve, ajo kërkon të bashkojmë lutjet që Françesk Radi të bëhet më mirë.

“Gjendja e rënduar e Françeskut e bën të pamundur transportimin e tij dhe ndërhyrjen për të ndërmarrë hapa të mëtejshëm për ta nisur drejt Italisë. Shpresojmë dhe ti bashkojmë lutjet të gjithë bashkë. Franko ishte një katolik i bindur”.

Kantautori i njohur shqiptar Francesk Radi ndodhet në gjendje të rëndë në reanimacionin e QSUT-së, pasi ka pësuar hemorragji cerebrale.

 Kliko për VIDEO