Vala e ndryshime në postet drejtuese të Top Channel vazhdon. Pak ditë më parë, dorëheqja e Ben Blushit nga Libra dhe rikthimi i tij në media u përfol në të gjitha mediat dhe portalet. Por ende pa u konfirmuar si pjesë e strukturave drejtuese, një emër i rëndësishëm dhe krah i djathtë i familjes Hoxha ka lënë postin.
Pas Sokol Ballës, që dha dorëheqjen nga Top Media, mësohet se edhe Erion Ylli, zv/drejtori i televizionit ka lënë postin.
Siç mësohet nga Newsbomb.al, krahu i djathtë i Vjollca Hoxhës ka hequr dorë nga posti që mbante prej vitesh, pas largimit të Skerdi Drenovës, i cili ishte në pozicion prej 10-vitesh.
Arsyet e largimit të Yllit ende nuk dihen, por mësohet se është shumë pranë zyrtarizimi i Ben Blushit si drejtor i ri i Top Channel.
© SYRI.net